28/05/2013 15:15
《笑傲缸湖》喺「淘寶網」搞上市買賣股票？！
《笑傲缸湖》盈盈唔少姐妹都係淘寶粉絲，貨品包羅萬有，基本講得出嘅都買得到，但盈盈
點到估唔到，淘寶竟然股票都有得買！
舊年十月，有一間叫做北京美微嘅傳媒公司，佢嘅ＣＥＯ朱江利用微博宣傳公司理念，同埋
解答投資者疑問、又話公司估值２０００萬人仔。其後佢更喺淘寶上面以「出售會員卡贈送股權
」方式買賣公司股份，短短五日就籌咗成４０萬人仔。今年年頭，朱江食髓知味，再一次以相同
手法買賣公司股票，十幾日又籌多３８７萬人仔。
祖國同胞為咗抽水真係無所不用其極，喺淘寶「上市」夠晒低成本，又唔使俾大行抽佣，真
係妙?！當然，明眼人一睇就知呢個係唔妥當，因為涉及非法公開集資，任何一個地區都唔容許
。件事被祖國證監知道咗之後，已經即時被叫停兼勒令回水，做緊生意嘅缸湖人真係唔好亂試。
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
下一篇新聞︰28/05/2013 09:05 《傳聞》內地污水處理費或提價
taobao-淘寶網-台灣館-購物-ㄊㄠ淘寶網-怎麼買-推薦 網址來源出處:: 《笑傲缸湖》喺「淘寶網」搞上市買賣股票？！ – 經濟通
《笑傲缸湖》喺「淘寶網」搞上市買賣股票？！ - 經濟通
沒有留言:
張貼留言